松潤大美人２１歲生日快樂！

仲記得今年年頭偶然留意到你...
到而家，我諗都已經中意左你半年吧~
從對你既小小好奇心到而家不可或缺既地步...
你既地位日漸提升，仲已經漸漸逼近山P既本命位置呢~ (自毆)
最初係因為你帥帥的雜誌照，但而家對你了解更深...
發現能夠中意松小潤，能夠喜歡上嵐，真係一件幸福既事。
五個完全唔同性格特點既人，走埋一齊卻可以發放出異常璀璨既光芒。
雖然成員個人都冇非常過人之處，但嵐卻係咁強大既力量。
互相扶持、互補不足，呢個就係嵐既特色！

年紀最細既松本潤，係其中缺一不可既重要成員。
由Jr時期的的骰骰，有著陽光般燦爛笑容既圓面可愛小朋友...
到而家呢個中意耍帥，好有自己風格既自戀大美人。
松潤既變化可以話係嵐裡面最顯著既。

呢個松本先生係典型既處女座＝>完美主義者。
對自己要求非常高，係好成熟、好清楚自己目標既人。
做事認真係佢既風範~
擁有一條毒舌，經常對身邊既人吐嘈，係毒舌先生一名！
而且係一位非常任性既小朋友...... =.="
但松潤係一個好細心，擁有豐富感情，對朋友好重視既人。
時常不經意咁流露出溫柔既一面。
亦都因為咁，所有既潤飯都包容呢位小朋友任性、愛耍帥，以及愛美到不行既一面^^"
而松潤百變既形象、髮型，總係帶俾所有潤飯無盡既SHOCK...
當你剛定下神作出反應時，松本先生又已經再變、變、變...
唔理人地既睇法，而跟隨自己既感覺而FLOW就係所謂既Junstyle罷！

２１歲既松潤，一日比一日帥。
已經電死不少無辜市民吧~ (包括本人在內...=.=")

未來一年，請你繼續帶領嵐走向最高峰！

最後，
松小潤~
Otanjoubi Omededou!

所有潤飯都會一直默默咁支持、溺愛你哦~

最新更新~

今日我做左一個俾大家download我既file既link...
右手邊"Link"之下click入去就得~
係Yahoo Group，希望大家識用啦~

我upload左一首歌，係呢排非常非常中意既一首歌。
就係平井堅既《Ring》。
唔知點解聽呢首歌時有好多感覺，好平靜。
所以想同大家分享分享。

之後我都可能會upload相到個download site，
就可以有Jungstyle既photo album。

大家試試再話我知o唔ok啦~

P.S. 希望仲有人唻呢到啦~哈哈！
我知我係update得慢左d...... =.="

香港小姐？！

哈哈！我有d有感而發...

話說當我向香港既時候，
有一日我搭地鐵見到呢位應屆港姐。
其實......應該係見到三位，其中一個可能係#14...
但對呢位徐子珊印象特別深。
因為佢著便服，戴住頂太陽帽時真係幾有氣質；同埋佢個style比較young。
我都係聽d師奶講先知佢地係應屆港姐... =.="
之後o個晚睇「美麗大學」先知佢係#6。
都幾睇好佢，如果唔係都唔會留意港姐...哈哈！

跟住呢排番到美國，download左港姐唻睇。
今年d人真係唔係幾得......
但一路睇，Kate竟然由頭贏到尾！哈哈~
拎哂d獎~都唔分d俾人......hehe~
其實我係睇好佢，但冇諗過真係咁勁。
之後就贏埋冠軍！^_^

yeah~
冇呀，好開心，所以同大家分享下...
贏左時，感覺好似跑贏馬咁...... ^.^"

之後應該有機會向電視見到Kate。

P.S.
只係非常非常既咁唔明點解o個位符思思會拎季軍...... =.="
真係一百萬個無耐.........
聽到佢把聲就已經毛管dong！
<想嘔>

#6 Kate

Testing testing~~~

大家好~~
相信對我有一定認識既朋友都應該知道本人之前已經攪過好多次diary...
而每次都一定半途而廢。
唔......準確d唻講，係未到半途已經廢哂！

因為向美國既日常生活確係冇乜值得我去記。
所以我就決定轉個方法，去攪一個私人網頁。
雖然呢句說話我都講過好多次，亦已經有申請過hosting...
不過始終覺得唔夠，但亦未落實去買空間。
所以我唔想再拖，就的起心肝簡簡單單咁整左呢個唔鹹唔淡既小小網頁。
如果真係反應好既話，先再考慮其他啦~
而家只要post到文，post到相，作個testing先...
之後既，就之後先算啦！

即係話，如果反應唔好既話...
呢到就隨時俾我砍~
所以我希望唻到呢到既任何人，都唔好只係得個睇字。
有野想講既就講。
多d reply，又或者send個msg吹我update都得。
只係唔想自己白做je~

至於Jungstyle呢個名，靈感就係唻自一個radio show。
知既就知，明既就明啦~唔好問我~
總之我個人好中意呢個show......................................既host~
哈哈！

好！講住咁多先~

請新朋友報個到！

等我知道好唔好繼續攪落去。
如果好既我遲d再轉過個background，同試下加多d野~

P.S. 附加一張個人既recent photo...