60樣香港人做過既無聊野，你中幾多樣？

紅色既=做過

1.玩米缸，將手插入米缸裡面既米裡面篤下篤下。
2.在百貨公司入面篤扶手電梯旁的吊牌。由細到大都有ga la... 仲俾gf鬧過... =.="
3.地下有階磚時，特登隔一格一格黎行(不可踩界，要完全在格內)。 而家都有...
4.用錶面反射陽光，照黎照去。
5.跳樓梯(愈多級愈勁)。同一班男仔玩... 跳到我個friend跌斷手...
6.行路上高起左地方(例如高起左既長條型石博，好似玩平衡木咁行法)。 而家又有...
7.鋪張紙在硬幣上面，然後用鉛筆係上面油，油返個形出黎。
8.食完瑞士糖之後，將糖紙包番個原本四四方方果個形出黎。
9.超級市場踩住架購物車黎行。
10.踩水"tum"，係好特登果隻。
11.吹口水波。arm arm幾個星期前先俾人影左相...
12.搣牆上的乳膠漆或牆紙。
13.係平滑既地面上面"冼"下"冼"下咁行。
14.整濕ｄ紙巾，掟上學校廁所天花頂。
15.食完綠箭香口膠，一定摺返成張包裝紙，再放返入個大套入面。
16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出黎，睇下個粉刷中邊個。
17.放膠袋(當風爭甘放)。
18.去後梯執咸書睇，張睇完的咸書撕開飄落街。
19.貼張龜仔紙嚮同學背背脊果度。
20.踩人地個影。 哈哈哈！！！真係超好玩！！
21.狂踩人地對白飯魚，尤其是大肥仔果o的。我唔蝦肥仔既，只踩新鞋
22.用幾條橡筋射同學。
23.掉人地門口的拖鞋落街。
24."蚊"消防喉，射水落下面個球場，睇下射到幾遠。
25.擇水彈。
26.用氣鎗射街上的途人。
27.玩千揪，"fing"到咁上下就飛出去鬥遠。 試過360度轉，跌到阿媽都唔認得...
28.落樓梯時坐係的扶手上面"sir"落黎。
29.在自動梯行相反方向。
30.把"誤投信件"或沒有用的宣傳單張，胡亂放入其他的住宅信箱。
31. 坐地鐵時，抓緊中間的扶手，地鐵一開動博命繞住轉(自轉)。
32.在月台上鬥快跑。
33.帶玩具返學。家常便飯
34.用圖釘弄穿學校壁佈板。
35.亂按人家的門鐘，然後鬆人。
36.明知過了三歲，仍然不買票，"捐"地鐵的入/出閘機。
37.用改錯水(很舊的有一個掃那種)附送的天拿水，搽在手上。
38.在井字型公屋中間的大天井中放紙飛機，或者放紙青蜒，看看誰放的紙青蜒最慢由廿幾樓落到地面。 冇住過公屋...
39.煲蠟。
40.把汽水罐靜雞雞放在校車的車輪下攝住，開車時把它壓扁。
41.用螢光筆油指甲。
42.向學校d木台上面畫公仔。
43.用電筒／雷射筆射落街或者照住d路人。
44 .搣碎d紙巾，然後拋出窗。
45 .巴士一開車，就同佢鬥快跑（最終當然唔夠快 ）。同小巴鬥上斜
46.落雨擔遮，懶係型咁轉把遮。
47.見倒d矮過自己既人行緊過黎，會好自然"gut"高d行。
48.將擦膠碎「初」成一粒黑色物體。最勁一次直徑有5cm!!! 跟住俾人鄙視... 仲係中學既事... =.="
49.玩冒險樂園o的遊戲（例如籃球或保齡球），企o係最高或企o係跑道o既最尾玩。
50.地鐵出閘果時「捐」過閘口，拎走張地鐵飛當地圖。
51.屋企冇人果時，對住塊鏡學人跳舞／做戲／唱歌。
52. 同細路爭一d無聊野，例如「美少女戰士角色︰sailor moon係我既,火野麗係你既」或「四大天王，黎明係我既，所以你唔准鍾意黎明，你鐘意郭富城 」。
53.玩廁所水。
54.去到公園，係咁撕百千層d樹皮落黎。哈哈！有呀有呀！勁好玩！可以玩半日！
55.慢慢行近麻雀到，企圖捉住佢地。而家都有對住d松鼠咁做...
56.係街見到狗就扮貓叫，見到貓就扮狗吠。
57.趴o係地上扮死，想嚇阿媽阿爸。
58.畫花報紙或書上既畫，為人物加牛角或者胭脂等等。
59.拎d元寶當船放o係水上玩或者拋落街。
60.用條繩吊d野到落去住下面o個戶人既窗前，然後"fing"來"fing"去，引人注意。

做過=39
都唔算太無聊呱...